பஞ்சபூதத் தலங்களில் அக்னி தலமாக விளங்குவது திருவண்ணாமலை. நினைத்தாலே முக்தி தரும் தலம் இது. திருவண்ணாமலை ஜோதி தரிசன காட்சி கிட்டுமாயின் அந்த ஒலிக்கதிர் உடம்பின் வழியே ஆன்மாவை ஊடுருவி கர்ம வினைகளை அழிக்கும். மலையின் உள்ளிருந்து சிவந்த ஜோதி கதிர்கள் வெளிப்பட்டுக் கொண்டே இருக்கும். அது புண்ணிய ஆத்மாக்களுக்கு கிடைக்கின்ற அருட்காட்சியாகும்.திருவண்ணாமலையில் ஏற்றப்படும் கார்த்திகை தீபத்தை நேரில் பார்ப்பவர்களின் 21 தலைமுறைக்கு முக்தி கிடைக்கும் எனக் கூறப்படுகிறது. திருவண்ணாமலை தீபத்தன்று மலையை பார்த்து நமசிவாய என்று சொன்னால்,அந்த மந்திரத்தை 3 கோடி தடவை உச்சரித்த புண்ணியம் கிடைக்கும்.

மலை உச்சியில் ஏற்றப்படும் தீபம்!

திருவண்ணாமலை உச்சியில் தீபம் ஏற்றப்படும் போது மலைக்கு உள் பகுதியிலும்,பூஜைகள் நடக்கும் ஒலியை கேட்டதாக ரமணர் மகரிஷி,சேஷாத்திரி சுவாமிகள் உள்பட பல அருளாளர்கள் கூறியுள்ளனர்.திருவண்ணாமலையில் கார்த்திகை தீபம் ஏற்றப்பட்ட பிறகு அதைப் பார்த்து வணங்கியபடி கிரிவலம் வந்தால்,அந்த ஜோதியின் கதிர்கள் நம் உடம்பில் பட்டு ஆன்மசக்தி அதிகரிக்கும் என்பது ஐதீகம்.

தீபத் திருநாளில் 5 தடவை கிரிவலம் சென்றால் அவர்கள் எவ்வளவு பெரிய பாவம் செய்திருந்தாலும்,அவற்றில் இருந்து முழுமையான விமோசனம் கிடைக்கும் என்று புராணங்களில் கூறப்பட்டுள்ளது. மலை மீது தீபம் ஏற்றப்படும் போது,“தீப மங்கள ஜோதி நமோ!!நம”என்ற பாடலை பாடி வழிபட்டால் வாழ்வில் மங்களம் பெருகும். திருவண்ணாமலை கார்த்திகை தீபத்தை காண சித்தர்கள் வருவார்கள் என்பது நம்பிக்கை.அப்படி வரும் சித்தர்கள்,மலை உச்சியில் தீபம் ஏற்றும் கொப்பரை நெய்யில் சக்தி வாய்ந்த மூலிகைத் தைலங்களை சேர்த்து விடுவதாகச் சொல்கிறார்கள்.இதனால் தீபத்தில் இருந்து வெளிப்படும் புகை,தீய சக்திகளை அழிப்பதாக கருதப்படுகிறது.

திருவண்ணாமலை தலத்தில் தீபமேற்றி வழிபட்டால் குழந்தை பாக்கியம் கிட்டும் என்பது ஐதீகம்!

திருவண்ணாமலை மலை சுமார் 2,668 அடி உயரம் கொண்டது. கீழ் இருந்து மலை உச்சி வரை செல்ல சுமார் 8 கி.மீ. பாதை உள்ளது.மலை ஏற சுமார் 4 மணி நேரமாகும்.கார்த்திகை தீபத்துக்கு சர்வாலய தீபம்,கார்த்திகை விளக்கீடு,ஞானதீபம்,சிவஜோதி,பரஞ்சுடர் என்றும் பெயர்கள் உண்டு.கார்த்திகை தீபத்தன்று கிரிவலம் செல்பவர்களுக்கு ஆயிரம் அசுவமேத யாகம் செய்த பலன் கிடைக்கும் என்று கூறப்படுகிறது.கார்த்திகை தீபம் தினத்தன்று சிவலிங்கம் முன்பு நெய்தீபம் ஏற்றி வழிபாடு செய்தால்,அவர்களது வாழ்க்கை பிரகாசமாக இருக்கும் என்பது நம்பிக்கை. கார்த்திகை தீபம் ஏற்றப்படும் காட்சியை நேரில் பார்த்து வழிபடுபவர்களுக்கு, சகல தானம் கொடுப்பதால்,கிடைக்கும் புண்ணியங்கள் அனைத்தும் கிடைக்கும் என்பது ஐதீகம்.கார்த்திகை மாதம்,கார்த்திகை நட்சத்திரத்தில் திருவண்ணாமலை தலத்தில் ஏதாவது ஒரு இடத்தில் தீபம் ஏற்றி வழிபட்டால் குழந்தை பாக்கியம் கிடைக்கும் என நம்பப்படுகிறது.

திருவண்ணாமலை மலை உச்சியில் தீபம் ஏற்ற பயன்படுத்தும் கொப்பரை சுமார் 2 ஆயிரம் லிட்டர் நெய் பிடிக்கும் அளவு கொண்டது.மலை உச்சியில் ஏற்றப்படும் தீபத்தின் ஒளி சுமார் 20 கிலோ மீட்டர் தொலைவுக்கு தெரியும்.இந்த தீபம் சுமார் 11 நாட்கள் தொடர்ந்து எரியும் என்பது குறிப்பிடத்தக்கது.திருவண்ணாமலையில் கார்த்திகை தீப திருவிழாவை முன்னிட்டு பரணி தீபம், அண்ணாமலையார் தீபம்,
விஷ்ணு தீபம், நாட்டுக் கார்த்திகை தீபம்,
தோட்டக் கார்த்திகை தீபம் என 5 வகையான தீபங்கள் ஏற்றப்படும்.

சிவபெருமான் கார்த்திகை தீபநாளில் அக்னியில் நடனம் ஆடுவதாக ஐதீகம்.இந்த நடனத்துக்கு முக்தி நடனம் என்று பெயர்.கார்த்திகை தீபம் தினத்தன்று ஆலயங்களில் சொக்கப்பனை கொளுத்துவார்கள். ஆனால் திருவண்ணாமலையில் சொக்கப்பனை கொளுத்தும் பழக்கம் கிடையாது‌.தீப திருநாளில் மலை மேல் தீபம் காண முடியாதவர்கள், தீப தரிசன நேரத்தில் அதை நினைத்தாலே, அதற்குரிய பலன்கள் கிடைக்கும் என்பது பெரியோர் வாக்கு.

திருவண்ணாமலை கார்த்திகை தீபத்துக்கு நிகராக இது வரை எந்த ஆலயத்திலும் ஜோதி வழிபாடு ஏற்பட்டதில்லை.திருவண்ணாமலையில் ஏற்றப்படும் கார்த்திகை தீபம்,அண்டசராசரங்களுக்கும் தீப விளக்காக கருதப்படுகிறது. உலகத்தை எல்லாம் இயக்குகின்ற பரம்பொருள் ஒன்றே என்பதை “இறைவன் ஒருவனே”என்ற தத்துவத்தை உணர்த்துகிறது.

கார்த்திகை தீபத்தன்று அதிகாலை திருவண்ணாமலை கோயிலில் பரணி நட்சத்திர நேரத்தில் ஏற்றப்படும் பரணி தீபத்தை அங்குள்ள சொர்ண பைரவர் சன்னதியில் வைத்து விடுவார்கள். மாலையில் சூரியன் மறைந்து மெல்ல இருள் வந்து சூழும் வேளை முன்பணி திரைவிரிக்கும் முழுமதி வானில் எழும். சிவாச்சாரியார்கள் ஆரத்தி ஏந்தி வந்து அண்ணாமலையாருக்கு காண்பிக்க வெளியே நான்காம் பிரகாரத்தில் வேட்டு வெடிக்க, மலையில் கார்த்திகை தீபம் ஏற்றப்படும்.

“அண்ணாமலையாருக்கு அரோகரா” என்று முழக்கமிடும் பக்தர்கள்!

திருவண்ணாமலை மலை உச்சியில் தீபம் ஏற்றப்பட்டதும் வணங்கினால் பாவம் நீங்கி பிறவிப் பிணியை அறுக்க வல்லது என்பது ஐதீகமாகும். திருவண்ணாமலையில் வசிக்கும் மக்கள் அனைவரும் தீபத்திருநாளில் விரதம் இருந்து மலையில் தீபம் ஏற்றப்பட்டதும் வீடுகளில் இருந்து மலையை நோக்கி பூஜைகள் செய்து, வீட்டில் வடை பாயசத்துடன் இறைவனுக்கு படைத்து பின்பு விரதம் முடிப்பதை வழக்கமாக கொண்டுள்ளனர். திருவண்ணாமலையில் தீபம் ஏற்றப்பட்டதும், “அண்ணாமலையாருக்கு அரோகரா”என்று பக்தர்கள் பரவசத்துடன் முழக்கமிடுவார்கள். இதற்கு என்ன அர்த்தம் தெரியுமா?
“இந்த உடம்பு நான் என்னும் எண்ணத்தை அழித்து,மனதை ஆன்மாவில் அழித்து,உள்முகத்தால் அத்வைத ஆன்ம ஜோதியைக் காண்பது தான் இந்த தீப தரிசனம் ஆகும்” என ரமண மகரிஷி தெரிவித்துள்ளார். தீப ஒளி வெறும் ஸ்தூல ஒளி அல்ல. அது தெய்வீக ஒளி. ஆகையால் வாழ்வில் ஒரு முறையேனும் தீபத்திருநாளில் திருவண்ணாமலை சென்று தீபம் ஏற்றுவதை கண்டு தரிசித்து வாழ்வில் வளம் பெறுங்கள்!